就黎開考，壓力好大可以點？（一個扭轉思維的簡單方法）
自己俾自己的「壓力」，其實係可以理解成你對自己嘅「要求」。對自己有要求係件好事，既然你對自己有要求，你都應該好清楚自己真正嘅實力大概可以去到邊。其實，考試當日只需要要求自己做到應有水平就已經交足功課，唔需要強求考試嗰日做任何超越自己能力既突破。
好多時候，你對考試有莫名其妙嘅恐懼，呢種恐懼來自「大量的未知數」。你唔知打開份卷會變成點，唔sure溫左既野有冇回報，所以你驚，一驚就會有壓力，然後無端端發台瘟自亂陣腳。但你認真想想，其實所有人同你嘅心情都係一樣，即係話，你額外的擔心，並不能夠為你帶來更多嘅優勢。
反而，當全世界都好大壓力嘅時候，你保持心境平和，心理質素比對手好，考試當日可以表現出自己十成功力，其實已經跑贏大市。如果你同對手實力差不多，最後分勝負，可能就是心理質素。
當你懂得把「壓力」，變成「要求」。你就不會胡亂要求自己做一d超越自己能力範圍既野，只會要求做好「自己本份」、「執行計劃好的策略」、「完成答應自己的目標」。
落場有呢個心態，信我，你會開心d。
ig：lshenrysir
Search